તાપી વ્યારા
તાપી જિલ્લાના વ્યારા નગરપાલિકા વિસ્તાર તથા તાપી જિલ્લાની જિલ્લા અને તાલુકા પંચાયત બેઠકોમાં સમાવિષ્ટ સમગ્ર વિસ્તારમાં અધિક જિલ્લા મેજીસ્ટ્રેટ આર.આર.બોરડે કેટલાંક પ્રતિબંધો ફરમાવતુ જાહેરનામુ પ્રસિદ્ધ કર્યુ છે.
જાહેરનામા મુજબ, તાપી જિલ્લાના સ્થાનિક સ્વરાજ્ય ચૂંટણી હેઠળના તમામ વિસ્તારમાં કોઈપણ વ્યક્તિએ શસ્ત્ર અધિનિયમ 1959 ની કલમ 2 ની વ્યાખ્યામાં આવતુ કોઈપણ હથિયાર પોતાની પાસે રાખવા, ધારણ કરવા તેમજ હથિયાર સાથે હરવા-ફરવા પર પ્રતિબંધ ફરમાવવામાં આવ્યો છે.
તતાપી જિલ્લાના કાર્યક્ષેત્ર બહારથી મેળવેલ પરવાના ધારણ કરનાર વ્યક્તિઓએ પણ જો તેઓ સ્થાનિક સ્વરાજ્ય ચૂંટણી હેઠળના વિસ્તારમાં રહેતા હોય તો હથિયાર તાત્કાલિક અસરથી નજીકના પોલીસ સ્ટેશનમાં જમા કરાવવાના રહેશે.
આ જાહેરનામાનો અમલ તા.30.04.2026 સુધી કરવાનો રહેશે. જાહેરનામાનો ભંગ કરનાર શિક્ષાને પાત્ર થશે.
