વ્યારા
તાપી જિલ્લા સેવા સદનના સભાખંડ ખાતે ગુરુવારે યોજાયેલા જિલ્લા સ્વાગત ફરિયાદ નિવારણ કાર્યક્રમમાં જિલ્લા કલેક્ટર ડો. વિપીન ગર્ગના રાહબરી હેઠળ નિવાસી અધિક કલેક્ટર આર.આર.બારડે અરજદારોની રજૂઆતોને રૂબરૂ સાંભળી હતી. જેમાં 9 જેટલા અરજદારો દ્વારા પોતાના પ્રશ્નો, રજૂઆતો, માંગણી તથા સમસ્યાઓને નિવાસી અધિક કલેક્ટર સમક્ષ વ્યક્તિગત રીતે રજૂ કર્યા હતા.
આર.આર.બોરડ દ્વારા દરેક અરજદારની રજૂઆતોને કેન્દ્રમાં રાખીને સંબંધિત વિભાગના અધિકારીઓને પ્રજાના પ્રશ્નોને પ્રાધાન્ય આપીને સમયમર્યાદામાં તેનો યોગ્ય ઉકેલ લાવવા દિશાનિર્દેશો આપ્યા હતા.
આ પ્રસંગે તાપી જિલ્લા પોલીસ વડા જશુભાઈ દેસાઈ, સંબંધિત વિભાગના ઉચ્ચ અધિકારીઓ અને અરજદારો સ્વાગત કાર્યક્રમમાં ઉપસ્થિત રહ્યા હતા.
